ریاست کیخلاف سازش، سعودی عرب نے مزید 7 افراد دھر لیئے، یہ افراد۔۔۔۔

سعودی عرب میں ریاست کے خلاف سازش کرنے اور بیرون ملک روابط رکھنے پر سات افراد کو حراست میں لے لیا گیا ہے۔عرب میڈیا نے سعودی عرب کے ادارے رئاستہ امن الدولتہ (Presidency Of State Security) کے حوالے سے بتایا ہے کہ سات افراد کو بیرون ملک دشمنوں کومالی معاونت فراہم کرنے اور غیرملکی اداروں سے مشتبہ رابطے رکھنے کے الزام میں حراست میں لے لیا گیا ہے۔ ان افراد نے حساس اداروں کے ملازمین کو بھی ساتھ ملانے کی کوشش کی۔سعودی گزٹ کے مطابق گرفتار افراد میں تین خواتین بھی شامل ہیں۔ حراست میں لیے گئے افراد میں ابراہیم عبدالرحمٰن، محمد فہد الریبا، عبدالعزیز محمد المیشل، لوجیئن ہڈلوئل، عزیزہ محمد ال یوسف اور ایمان فہد النفجان شامل ہیں جب کے ساتویں ملزم کی شناخت کو خفیہ رکھا گیا ہے۔سات افراد پر مشتمل گروپ پر سعوی عرب کے حساس اداروں کے افسران اور ملازمین سے روابط قائم کرنے اور ملک دشمن عناصر کو مالی امداد فراہم کرنے کے الزامات بھی ہیں۔ تحقیقاتی ادارے گرفتار ملازمین کے حساس ادروں کے ملازمین تک رسائی کے معاملے کی بھی چھان پھٹک کر رہے ہیں۔ ان ملزمان پر بغاوت کی منصوبہ بندی کرنے کا الزام بھی ہے۔سیکیورٹی حکام کا کہنا ہے کہ حراست میں لیے گئے ملزمان میں سے ایک کی شناخت کو تفتیش کو محفوظ بنانے کے لیے خفیہ رکھا جا رہا ہے تاکہ گروہ کے دیگر اراکین تک پہنچا جا سکے۔ یہ نہایت حساس معاملہ ہے جس کی شفاف تفتیش نہایت ضروری ہے جس کے لیے ملزمان کے خلاف تمام قانونی راستے اختیار کیے جائیں گے۔

یہ بھی پڑھیں

مغربی بنگال کی وزیراعلیٰ بھی مقبوضہ کشمیر میں ریاستی مظالم پر بول پڑیں

مغربی بنگال کی وزیراعلیٰ بھی مقبوضہ کشمیر میں ریاستی مظالم پر بول پڑیں

بھارتی ریاست مغربی بنگال کی وزیراعلیٰ ممتابینرجی بھی مقبوضہ کشمیر میں ریاستی مظالم پر بول …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے