اگلا وزیراعظم کون، پرویز مشرف عمران خان سے متعلق اہم پیشگوئی کردی

آل پاکستان مسلم لیگ کے سربراہ جنرل ریٹائرڈ پرویز مشرف کا کہنا ہے کہ عمران خان وزیراعظم بن سکتے ہیں کیوں کہ ان میں ملک ٹھیک کرنے کی اہلیت ہے۔ میزبان رحمان اظہر سے گفتگو میں پرویز مشرف کا سانحہ 12 مئی کے واقعے کے حوالے سے کہنا تھا کہ سابق چیف جسٹس افتخار محمد چوہدری ایئرپورٹ سے مزار قائد جانا چاہتے تھے، سیکیورٹی خدشات کے باعث میں نے انہیں کہلوایا تھا کہ آپ بذریعہ ہیلی کاپٹر چلے جائیں جب کہ ایم کیوایم کے لوگ عورتوں اور بچوں سمیت سڑکوں پر بیٹھے ہوئے تھے اور احتجاج کررہے تھے، دوسری جانب افتخار محمد چوہدری کے حمایتی بھی بلڈنگوں میں تھے اب اس دوران کس نے فائرنگ کی مجھے اس کا علم نہیں مجھ پر بلاوجہ الزامات لگائے جاتے ہیں۔چیئرمین تحریک انصاف کے وزیراعظم بننے کے حوالے سے سوال پر پرویز مشرف نے کہا کہ عمران خان بالکل وزیراعظم بن سکتے ہیں، ان کی مقبولیت کا گراف کافی اونچا جارہا ہے اوران میں ملک ٹھیک کرنے کی اہلیت ہے، مجھے لگتا ہے وہ ملک کے لئے کچھ کریں گے۔ انہوں نے کہا کہ عمران خان نوازشریف اور زرداری سے بہتر ہیں کیوں کہ ان کو 4 ، 4 بار دیکھ لیا یہ نہیں کرسکتے ان کی نیتیں ٹھیک نہیں جب کہ عمران خان بُرا آدمی نہیں، اچھا آدمی ہے وہ ان لوگوں جیسا نہیں ان سے بہتر اور ایماندار ہے، اسے پیسوں کا کوئی لالچ ہے۔

یہ بھی پڑھیں

پولیس کا پی آئی سی حملے میں ملوث وزیراعظم کے بھانجے کی گرفتاری کیلئے چھاپہ

پولیس کا پی آئی سی حملے میں ملوث وزیراعظم کے بھانجے کی گرفتاری کیلئے چھاپہ

پولیس نے پنجاب انسٹیٹیوٹ آف کارڈیالوجی (پی آئی سی) پر حملے میں ملوث وزیراعظم عمران …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے