قوانین کی خلاف ورزی، شریعہ ایئر لائن کی پروازیں معطل

اسلامی شریعہ کے تحت پرواز کرنے والی ملائیشیا کی پہلی ایئر لائنز ’راياني ایئر ‘کو قوانین توڑنے کے الزام میں پروازوں سے روک دیا گیا ہے۔

شہری ہوا بازی کے شعبے ڈی سی اے نے کہا ہے کہ رياني ایئر کی حفاظتی جانچ اور انتظامی معاملات کے پیش نظر اس کے اجازت نامے کو منسوخ کیا جا رہا ہے۔

رایانی ایئر گذشتہ سال دسمبر میں لانچ کی گئی تھی اور اس میں صرف حلال کھانے پیش کیے جاتے تھے۔ اس میں شراب کی سہولت نہیں تھی اور عملے کو باحیا لباس پہننے کی اجازت تھی۔

راياني ایئر کے بیڑے میں دو بوئنگ 400-737 طیارے شامل ہیں

ڈي سي اے نے کہا ہے کہ راياني ایئر اب کاروباری ایئر لائن کی طرح خدمات فراہم نہیں کر سکے گی۔

پرواز کے قوانین پر عمل نہ کرنے کی وجہ سے اس ایئر لائن کو تین ماہ کے لیے معطل کر دیا گیا تھا۔ اس کے بعد حفاظتی انتظامات کے بارے میں اس کی جانچ ہوئی تھی۔

ملائیشیا کے شہری ہوابازی کمیشن نے ایک بیان میں کہا ہے کہ اس ’ایئر لائن نے ایئر سروس لائسنس کی شرائط کی خلاف ورزی کی اور اس میں ایک پیشہ ور ایئر لائن کی طرح کام کرنے کی اقتصادی اور انتظامی صلاحیت کی کمی ہے۔

یہ بھی پڑھیں

امریکی صدر نے سعودی عرب میں اضافی فوجی بھیجنے کی منظوری دے دی

امریکی صدر نے سعودی عرب میں اضافی فوجی بھیجنے کی منظوری دے دی

واشنگٹن: فوجی بھیجنے کا فیصلہ امریکی قومی سلامتی کے اعلیٰ سطح اجلاس میں کیا گیا، …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے