شعیب ملک 300 ٹی ٹوئنٹی میچز کھیلنے والے پاکستان کے پہلے کھلاڑی بن گئے

دبئی: پاکستان کے اسٹار آل راؤنڈر اور پاکستان سپر لیگ میں ملتان سلطانز کے کپتان شعیب ملک 300 ٹی ٹوئنٹی میچز کھیلنے والے پاکستان کے پہلے کھلاڑی بن گئے۔ انہوں نے یہ اعزاز دبئی میں پی ایس ایل تھری کے 17 ویں میچ میں کوئٹہ گلیڈی ایٹرز کے خلاف میدان میں اتر کر حاصل کیا اور اس میچ کو انہوں نے شاندار نصف سنچری سے یادگار بھی بنایا۔

36 سالہ شعیب ملک اپنے 13 سالہ کیریئر میں اب تک 15 مختلف ٹیموں کی نمائندگی کرچکے ہیں جس میں پاکستان کی قومی کرکٹ ٹیم اور متعدد ڈومیسٹک لیگز کی ٹمیں شامل ہیں۔

شعیب ملک کو یہ اعزاز بھی حاصل ہے کہ وہ مختلف ٹیموں کی 97 میچز میں قیادت کرچکے ہیں اور وہ کرکٹ کے مختصر ترین فارمیٹ میں میچز جیتنے کے اعتبار سے کامیاب ترین کپتانوں میں سے ایک ہیں اور ان کی کامیابی کی شرح 69 فیصد ہے۔

شعیب ملک اپنے ٹی ٹوئنٹی کیریئر میں کومیلا وکٹورینز، کراچی کنگز، ملتان سلطانز، پاکستان کرکٹ ٹیم، پاکستان انٹرنیشنل ایئرلائنز، سیالکوٹ ریجن اور سیالکوٹ اسٹالینز کی قیادت کرچکے ہیں۔

وہ ٹی ٹوئنٹی کرکٹ میں دنیا میں سب سے زیادہ رنز بنانے والے پاکستانی بیٹسمین بھی ہیں اور مختلف ٹیموں کی نمائندگی کرتے ہوئے اب تک 7653 رنز بناچکے ہیں جن میں انٹرنیشنل، ڈومیسٹک اور لیگ میچز شامل ہیں۔

یہ بھی پڑھیں

سری لنکا کے خلاف سیریز کے لیے 20 کھلاڑیوں کا اعلان

سری لنکا کے خلاف سیریز کے لیے 20 کھلاڑیوں کا اعلان

لاہور:  پی سی بی نے قومی ٹیم کے 20 کھلاڑیوں کو کیمپ کے لئے نیشنل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے