کولن نامی طوفان امریکی ریاست فلوریڈا سے ٹکرا گیا

کولن نامی طوفان امریکی ریاست فلوریڈا سے ٹکرا گیا، طوفانی بارشوں کے باعث کئی علاقوں میں ایمرجنسی نافذ کردی گئی ۔ جبکہ ٹیکساس میں بھی سیلاب نے تباہی مچادی ہے۔

کولن طوفان نے امریکی ریاست فلوریڈا میں تباہی مچادی، متعدد علاقوں میں ایمرجنسی نافذ کردی گئی جبکہ فلوریڈا کی کئی کاونٹیز میں موسلادھار بارش اور سیلاب کے باعث سڑکیں پانی میں ڈوب گئیں اور معمولات زندگی مفلوج ہوکر رہ گئے۔

ہزاروں افراد بجلی سے محروم ہوگئے ہیں، فلوریڈا کے گورنر نے چونسٹھ میں سے چونتیس کاونٹیز میں ایمرجنسی نافذ کرکے بحالی کے اقدامات کی ہدایت کردی ہے۔

دوسری جانب ٹیکساس میں سیلاب کے باعث کئی علاقے پانی میں ڈوبے ہوئے ہیں، طوفانی بارشوں سے درجنوں گھروں کو شدید نقصان پہنچا، سیلاب میں پھنسے افراد کو نکالنے کا کام جاری ہے۔

گزشتہ روز آسٹریلیا کے مشرقی ساحلی علاقوں میں شدید سمندری طوفان سے تین افراد ہلاک اور درجنوں افراد لاپتہ ہے، وسطی فرانس میں شدید بارشوں کے بعد سیلاب نے معمولات زندگی درہم بر ہم کر دیئے ہیں، دارالحکومت پیرس میں بھی سیلابی پانی نے تباہی مچائی، سیلاب کی وجہ سے پونے دو لاکھ شہری محفوظ مقامات پر منتقل ہو گئے جبکہ تیرہ ہزار گھروں کو بجلی کی سہولت میسر نہیں ۔ فرانس نے مزید بارشوں کے پیش نظر بیس سے زائد علاقوں میں الرٹ جاری کیا ہے۔

یہ بھی پڑھیں

برطانیہ میں پندرہ جون سے دکانیں کھل جائیں گی

لندن: برطانوی حکومت نے ملک میں لاک ڈاؤن ختم کرنے کا اعلان کردیا وزیراعظم بورس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے