نواز شریف سے وزیراعظم کی ملاقات،چیرمین سینیٹ کے انتخاب پر تبادلہ خیال

لاہور: وزیراعظم شاہد خاقان عباسی نے نواز شریف سے ملاقات کی ہے جس میں چیرمین و ڈپٹی چیرمین سینیٹ کے انتخاب کے لیے تبادلہ خیال کیا گیا۔ایکسپریس نیوز کے مطابق لاہور میں وزیراعظم شاہد خاقان عباسی نے مسلم لیگ (ن) کے تاحیات قائد نواز شریف سے جاتی امرا میں ملاقات کی جس میں چیرمین سینیٹ اور ڈپٹی چیرمین کے انتخاب کےلیے تبادلہ خیال کیا گیا، اس کے علاوہ ملاقات میں اتحادی جماعتوں سے رابطوں پر غور اور نئی حلقہ بندیوں سے متعلق بھی بات چیت کی گئی۔ذرائع کا کہنا ہے کہ مسلم لیگ (ن) کی جانب سے چیئرمین سینٹ کے امیدوار راجہ ظفرالحق ہو سکتے ہیں، اس سلسلے میں نواز شریف نے پارٹی رہنماؤں کو پارلیمانی جماعتوں سے رابطوں کا ٹاسک سونپ رکھا ہے۔ دوسری جانب پاکستان پیپلز پارٹی اور تحریک انصاف کے درمیان در پردہ رابطوں کے بعد دونوں جماعتوں نے سینیٹ چیئرمین کے لیے متفقہ امیدوار میدان میں لانے کی تیاریاں شروع کردی ہیں۔

یہ بھی پڑھیں

مچھر کے کاٹنے سے ہونے والے ڈینگی بخار نے وبا کی صورت اختیار کرلی

مچھر کے کاٹنے سے ہونے والے ڈینگی بخار نے وبا کی صورت اختیار کرلی

پنجاب: سرگودھا میں 50 سے زائد مقامات پر ڈینگی لاروا کی نشاندہی ہوچکی ہے جس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے