پاناما لیکس کے بعد میرے پاس بھی کئی لیکس ہیں، ڈاکٹر عاصم

کراچی: آصف زرداری کے قریبی دوست ڈاکٹر عاصم نے کہا ہے کہ پاناما لیکس کے بعد ہم بنانا لیکس ہوگئے ہیں اور ان کے پاس بھی کئی لیکس ہیں۔

کراچی میں انسداد دہشت گردی کی عدالت میں میڈیا سے بات کرتے ہوئے ڈاکٹر عاصم نے کہا کہ پاناما لیکس کے بعد ہم بنانا لیکس ہوگئے ہیں، ان کے پاس بھی بہت سارے لیکس ہیں،وزیر اعظم نواز شریف اور دیگر افراد پاناما لیکس سے اپنا نام نکلوانے گئے ہیں، اب وہ واپس نہیں آئیں گے۔ عمران خان اور دیگر سیاستدان ان کے ہیرو ہیں۔

مقدمے کی سماعت کے دوران پیپلز پارٹی کے قادر پٹیل اور ڈاکٹر عاصم کے درمیان ملاقات ہوئی تو قادر پٹیل نے ڈاکٹر عاصم سے کہا کہ میں نے آپ کا کیا بگاڑا تھا ، میں نے تو آپ کی بے رخی کی شکایت تک پارٹی قیادت سے نہیں کی پھر آپ نے میرا نام کیوں لیا۔ جس پر ڈاکٹر عاصم نے کہا کہ میں قرآن اٹھا کر کہنے کو تیار ہوں کہ میں نے نے آپ کا نام نہیں لیا، اگر یہ ثابت ہوجائے تو جو سزا آپ مقرر کریں مجھے منظور ہے۔ داکٹر عاصم کے جواب پر قادر پٹیل نے کہا کہ مجھے آپ پر بھروسہ نہیں ، اس میں بھی آپ کی کوئی چال ہوسکتی ہے۔

یہ بھی پڑھیں

راؤ انوار کی حاضری, سے, استثنیٰ کی درخواست, پر فیصلہ, محفوظ, کر لیا

راؤ انوار کی حاضری سے استثنیٰ کی درخواست پر فیصلہ محفوظ کر لیا

سندھ: انسداد دہشت گردی کی عدالت نمبر 3 میں بدھ کو راؤ انوار کی درخواست …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے