دلیپ کمارکی طبیعت ایک بارپھربگڑگئی،

ممبئی: برصغیرکے ممتاز اداکاراورکروڑوں دلوں پر کئی دہائیوں تک راج کرنے والے معروف اداکار دلیپ کمار کی طبیعت ایک بار پھر خراب ہوگئی۔

بھارتی میڈیا رپورٹس کے مطابق دلیپ کمار کی طبیعت رات گئے ایک بار پھر خراب ہوگئی، جس پر انہیں  ممبئی کے لیلاوتی اسپتال میں داخل کرایا گیا۔ 94 سالہ دلیپ کمار کا علاج کرنے والے ڈاکٹرجلیل پارکر کا کہنا ہے کہ اداکارکو بخار اور قے سمیت نمونیہ کی بھی شکایت تھی اوران کے سفید خون کے خلیات بڑھ گئے تھے، سانس کی تکلیف کے باعث انہیں اسپتال میں داخل کیا گیا ہے تاہم اس وقت وہ  انتہائی نگہداشت کے وارڈ میں نہیں ہیں۔

دوسری جانب دلیپ کمار کے خاندانی ذرائع کا کہنا ہے کہ پریشانی کی کوئی بات نہیں ہے، لیجنڈ اداکارکی حالت اس وقت بہترتاہم مداحوں سے اپیل ہے کہ وہ ان کی صحت کے لیے دعا کریں۔

واضح رہے کہ دلیپ کمارنے اپنی جاندار اور حقیقت سے قریب ترین اداکاری سے  تقریبا نصف صدی تک برصغیر کی فلمی دنیا پر حکمرانی کی اور اس دوران انہوں نے تقریباً 60 فلموں میں اداکاری کے جوہر دکھائے۔

یہ بھی پڑھیں

ماہرہ نے رقص میں بالی ووڈ اداکاراؤں کو پیچھے چھوڑ دیا

کراچی: سپر اسٹار ماہرہ خان نے کہا ہے کہ ان کا اور مادھوری کا کوئی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے