میٹروٹرین کے منصوبے پر تنقید عام آدمی کے حقوق کے خلاف سازش ہے، شہبازشریف

لاہور: پنجاب کے وزیر اعلی شہباز شریف کا کہنا ہے کہ میٹرو ٹرین کے منصوبے کی تکمیل سے عام آدمی کو عالمی معیار کی محفوظ، تیزرفتار اور آرام دہ سفری سہولیات میسر آئیں گی جب کہ منصوبے پر تنقید دراصل عام آدمی کے حقوق کے خلاف سازش ہے۔

وزیراعلی پنجاب شہباز شریف نے مسلم لیگ (ن) کے وفد سے بات چیت کرتے ہوئے کہا کہ لاہور اورنج لائن میٹرو ٹرین عوام کو بے توقیری کے سفر سے نجات دلانے کا شاندار منصوبہ ہے، میٹرو ٹرین کے منصوبے کی تکمیل سے عام آدمی کو عالمی معیار کی محفوظ، تیزرفتار اور آرام دہ سفری سہولیات میسر آئیں گی جب کہ میٹروٹرین کے منصوبے پر تنقید دراصل عام آدمی کے حقوق کے خلاف سازش ہے۔ یہ منصوبہ عام آدمی کو بہتر سفری سہولتوں کی فراہمی کے لئے بنایاگیا ہے،میں غریب عوام کے حق پرکسی کو ڈاکہ نہیں ڈالنے دو ں گا۔

شہباز شریف کا کہنا تھا کہ بہترین ٹرانسپورٹ سسٹم مہذب معاشرے کی علامت ہوتا ہے، میٹروٹرین کا منصوبہ عوام کو جدید، تیزرفتار، باکفایت اور معیاری سفری سہولتوں کا حق انہیں دے گا۔ عوام کے ہر فلاحی منصوبے پر تنقید مٹھی بھر گروہ کا وطیرہ بن چکا ہے جب کہ مٹھی بھر اشرافیہ کو میٹروٹرین جیسے فلاحی منصوبے میں کسی صورت روڑے نہیں اٹکانے دیں گے۔

یہ بھی پڑھیں

دھرنے,کے موقع, پر بھیرہ انٹرچیج پرتوڑ پھوڑ, اورجلاؤگھیراؤ

دھرنےکے موقع پر بھیرہ انٹرچیج پرتوڑ پھوڑ اورجلاؤگھیراؤ

سرگودھا: انسداد دہشتگردی کی خصوصی عدالت نے پاکستان عوامی تحریک کےسربراہ ڈاکٹرطاہرالقادری کواشتہاری قراردے کرگرفتار …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے