اگر حکومت اپنا نقطہ نظر پیش کر سکتی ہے تو عمران خان بھی قوم سے خطاب کر سکتے ہیں:شاہ محمود قریشی

ملتان : پی ٹی آئی کے رہنماءشاہ محمود قریشی نے کہا ہے کہ پی ٹی وی کے ذریعے عمران خان کا قوم سے خطاب ملک کے کونے کونے میں پہنچانا چاہتے ہیں ،پاناما لیکس معاملے پر اپوزیشن نے وزیر اعظم کی تجویز کو مسترد کر دی ہے ۔
پاکستان تحریک انصاف کے رہنماشاہ محمود قریشی کا میڈیا سے گفتگو میں کہنا تھا کہ پی ٹی وی ایک قومی ادرہ ہے جو پاکستان کے عوام کے ٹیکس کے پیسوں سے چلتا ہے ،اگر حکومت اپنا نقطہ نظر پیش کر سکتی ہے تو عمران خان بھی پی ٹی وی پر قوم سے خطاب کر سکتے ہیں ۔پی ٹی وی پر خطاب کا اسرار ہم اس لیے کر رہے ہیں کیونکہ ملک میں ابھی بھی کچھ علاقے ایسے ہیں جہاں پرائیویٹ چینلز کی رسائی نہیں ہے اس لیے چاہتے ہیں کہ عمران خان کا خطاب ملک کے کونے کونے میں پہنچ سکے ۔ان کا مزید کہنا تھا کہ قومی اسمبلی میں عمران خان اور خورشید شاہ کی تقریر نشر نہ کرنے پر پی ٹی وی کی ساکھ متاثر ہوئی ہے ،اب امید ہے کہ سرکاری ٹی وی عمران خان کا بیان نشر کر دے گا ۔ان کا کہنا تھا کہ معاشی کرپشن پوری دنیا میں زیر بحث ہے اور پاناما لیکس کے معاملے پر وزیر اعظم نواز شریف اپنی تجویز دے چکے ہیں جسے اپوزیشن نے مسترد کر دیا ہے ۔

یہ بھی پڑھیں

وفاقی و صوبائی حکومت اور محکمہ انسداد دہشت گردی (سی ٹی ڈی) کو نوٹس جاری

وفاقی و صوبائی حکومت اور محکمہ انسداد دہشت گردی (سی ٹی ڈی) کو نوٹس جاری

لاہور: عدالت عالیہ میں جسٹس شہرام سرور اور جسٹس وحید خان پر مشتمل بینچ نے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے