مستونگ میں سرچ اینڈ سٹرائیک آپریشن، 1 دہشتگرد ہلاک، 7 گرفتار

مستونگ: ایف سی نے مستونگ اور روجھان جمالی میں آپریشن کے دوران ایک دہشت گرد کو ہلاک اور سات کو گرفتار کرلیا جب کہ بڑی مقدار میں اسلحہ اور گولہ بارود بھی برآمد ہوا ہے۔ پاک فوج کے شعبہ تعلقات عامہ (آئی ایس پی آر) کےمطابق ایف سی نے بلوچستان کے علاقے مستونگ اور روجھان جمالی میں انٹیلی جنس اطلاع پر آپریشن کیا جس میں دہشت گردوں کے ٹھکانوں پر حملے کئے گئے جس کے نتیجے میں ایک دہشت گرد ہلاک جب کہ 7 کو گرفتار کیا گیا۔ آئی ایس پی آر کے مطابق دہشت گرد ٹارگٹ کلنگ اور گرنیڈ حملوں میں ملوث تھے جب کہ ان کے قبضے سے اسلحہ اور بارود کی بڑی مقدار بھی برآمد کرلی گئی ہے۔ دوسری جانب آئی ایس پی آر کے مطابق پنجاب رینجرز، پولیس و خفیہ ایجنسیوں نے ڈی جی خان، اٹک اور لاہور کے مختلف علاقوں میں میں انٹیلی اطلاعات پر آپریشن کیا جس میں 19 دہشت گرد اور سہولت کاروں کو گرفتار کیا گیا، جن کے قبضے سے غیر قانونی ہتھیاروں کی بڑی مقدار برآمد کر لی گئی ہے۔

یہ بھی پڑھیں

دہشت گردوں کی بزدلانہ کارروائی،عید سیکیورٹی پر مامور ایف سی اہل کار شہید

دہشت گردوں کی بزدلانہ کارروائی،عید سیکیورٹی پر مامور ایف سی اہل کار شہید

عید سیکیورٹی پر مامور ایف سی جوانوں پر دہشت گردوں کا حملہ دو سپاہی شہید …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے