نوجوان پلیئرز پر مشتمل قومی ون ڈے ٹیم بہتری کی جانب گامزن ہے، مصباح الحق

لاہور: قومی کرکٹ ٹیم کے سابق کپتان مصباح الحق نے کہا ہے کہ ون ڈے ٹیم کی کارکردگی دن بدن بہتر ہو رہی ہے، سری لنکن ٹیم کا پاکستان آنا بہت بڑا قدم ہے جس کے دور رس نتائج برآمد ہوں گے۔ لاہورمیں میڈیا سے گفتگو کرتے ہوئے مصباح الحق کا کہنا تھا کہ ون ڈے اسکواڈ باصلاحیت نوجوان پلیئرز پر مشتمل ہے جو اچھی کارکردگی کا مظاہرہ کر رہے ہیں، قومی ون ڈے ٹیم کی کارکردگی دن بدن بہتری کی طرف جا رہی ہے۔ محمد حفیظ کی بولنگ پاکستان کیلیے اضافی سہولت ہے تاہم ان کے بولنگ ایکشن پر کچھ کہنا قبل از وقت ہو گا جب کہ امام الحق ایک باصلاحیت پلیئر ہیں جن کو پہلے میچ میں سنچری بنانے پر مبارکباد پیش کرتا ہوں امید ہے وہ مستقبل میں قومی ٹیم کےلیے بہترین کھلاڑی ثابت ہوں گے۔
ان کا کہنا تھا کہ ٹیسٹ ٹیم کو مزید بہتر ہونے کیلیے ایک دو سیریز درکار ہیں جب کہ دو اہم پلیئرز کے ٹیم میں نہ ہونے کی وجہ سے مسائل پیدا ہوئے کیوں کہ ٹیم میں تبدیلیوں سے بھی پرفارمنس پر فرق پڑتا ہے۔

یہ بھی پڑھیں

بسمہ معروف ویمن کرکٹ ٹیم کی کپتان برقرار

بسمہ معروف ویمن کرکٹ ٹیم کی کپتان برقرار

پاکستان کرکٹ بورڈ (پی سی بی) نے حال ہی میں ویمن کرکٹ ٹیم کی کھلاڑیوں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے