بل بتوڑی اگلے جہان سدھار گئ

لاہور: پاکستان ٹیلی ویژن کے ڈرامے ’’عینک والا جن ‘‘کی مقبول ترین اداکارہ نصرت آرا طویل علالت کے باعث انتقال کرگئیں۔ اداکارہ نصرت آرا طویل عرصے سے بیمار تھیں، ہفتے کے روز سانس اکھڑنے کی وجہ سے انہیں لاہور کے جناح اسپتال منتقل کیاگیا،جہاں دل کا دورہ پڑنے کے باعث وہ جانبر نہ ہوسکیں اوراپنے خالق حقیقی سے جاملیں۔ نصرت آرا نےڈراما سیریل ’’عینک والا جن‘‘ میں ’’بل بتوڑی‘‘ کا کردار نبھایا تھا، یہ کردار اتنا مقبول ہوا کہ نصرت آرا کی پہچان بن گیا، لوگ انہیں آج تک ان کے اصلی نام سے نہیں بلکہ ’’بل بتوڑی‘‘ کے نام سے جانتے ہیں، شہرت اور مقبولیت کے باوجود نصرت آرا نے زندگی کے آخری ایام نہایت کسمپرسی میں گزارے، ایک سال قبل ان پر فالج کا حملہ ہوا تھا جس سے ان کی بائیں ٹانگ شدید متاثر ہوئی تھی،تاہم وسائل نہ ہونے کی وجہ سے انہوں نے علاج کے لیے حکومت سے اپیل بھی کی تھی۔ ذرائع کے مطابق نصرت آرا کی نمازجنازہ بعد نمازمغرب اقبال ٹاؤن میں ادا کی جائے گی اورانہیں میانی صاحب قبرستان میں سپرد خاک کیا جائے گا۔

یہ بھی پڑھیں

گلوکار سے زیادہ خود کو قوال کہلوانا پسند ہے، راحت فتح علی

گلوکار سے زیادہ خود کو قوال کہلوانا پسند ہے، راحت فتح علی

لاہور: عالمی شہرت یافتہ گلوکار و قوال راحت فتح علی خان کا کہنا ہے کہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے