بھارتی فوج کی ایل اوسی پر بلااشتعال فائرنگ سے شہری شہید، 4 افراد زخمی

راولپنڈی: بھارتی فوج کی جانب سے ایل اوسی پر بلااشتعال فائرنگ کے نتیجے میں ایک شہری شہید اور خواتین سمیت 4 افراد زخمی ہوگئے۔ پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی جانب سے ایل اوسی کے نکیال سیکٹر میں بلااشتعال فائرنگ کی گئی جس میں بھارتی فوج نے بھاری ہتھیاروں سے سول آبادی کو نشانہ بنایا۔
آئی ایس پی آر کے مطابق بھارتی فائرنگ کے نتیجے میں 22 سالہ شہری محمد رزاق شہید اور 3 خواتین سمیت 4 افرادزخمی ہوئے جن میں ارم کوثر، غلام فاطمہ، کلثوم بیگم اور احسن کریم شامل ہیں۔ پاک فوج کی جانب سے بھی بھارتی فائرنگ کا موثر جواب دیاگیا جس کے نتیجے میں بھارتی فوج کو بھاری نقصان کی اطلاعات ہیں۔

یہ بھی پڑھیں

اپوزیشن اپنا تعمیری کردار ادا نہیں کر رہی

اپوزیشن اپنا تعمیری کردار ادا نہیں کر رہی

لاہور: راجہ بشارت نے کہا کہ پروڈکشن آرڈر جاری کرنا اسپیکر کا اختیار ہے جن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے