آرمی چیف کی آسٹریلیا کی سیاسی و عسکری قیادت سے ملاقاتیں، خطے کی سیکیورٹی پر تبادلہ خیال

آسٹریلیا: آرمی چیف دو روزہ سرکاری دورے پر آسٹریلیا پہنچ گئے جہاں انہوں نے آسٹریلیا کی سیاسی و عسکری قیادت سے ملاقاتیں کی ہیں۔ آئی ایس پی آر کے مطابق آرمی چیف جنرل قمر جاوید باجوہ آسٹریلین آرمی چیف کی دعوت پر دورہ کر رہے ہیں۔ کینبرا میں ڈیفنس فورسز ہیڈ کوارٹرز پہنچنے پر تینوں مسلح افواج کے دستے نےگارڈ آف آنر پیش کیا۔ آرمی چیف نے ڈیفنس ہیڈ کوارٹرز میں آسٹریلین نیول چیف اور آرمی چیف سے ملاقاتیں بھی کیں۔ آرمی چیف نے آسٹریلین پارلیمنٹ میں آسٹریلیا کے وزیرخارجہ مس جولی بشپ اور وزیر دفاع سے بھی ملاقاتیں کیں۔

آئی ایس پی آر کی طرف سے جاری اعلامیے کے مطابق آسٹریلین سویلین اور عسکری قیادت سے ملاقاتوں میں آرمی چیف نے خطے کی سیکیورٹی صورتحال پر تبادلہ خیال کیا۔ آرمی چیف نے دہشتگردی کیخلاف جنگ اور خطے میں قیام امن کیلئے پاک فوج کی قربانیوں اور کوششوں سے آگاہ کیا۔ آرمی چیف کا کہنا تھا کہ پپاکستان کی کوششوں کے باعث سیکیورٹی کی صورتحال بہت بہتر ہوئی۔ پاکستان قیام امن کیلئے کوششوں کی حمایت جاری رکھے گا، جنرل قمر جاوید باجوہ نے مزید کہا کہ پاکستان امید کرتا ہے کہ عالمی برادری سیکیورٹی حوالے سے پاکستان کے تحفظات دور کرے گی۔ آئی ایس پی آر کے مطابق آسٹریلین قیادت نے انسداد دہشتگردی کیلئے پاکستان کی کوششوں کو سراہا۔

یہ بھی پڑھیں

یوکرین میں صدارتی انتخابات، معروف کامیڈین کی جیت کے امکانات روشن

یوکرین میں صدارتی انتخابات، معروف کامیڈین کی جیت کے امکانات روشن

کیو: یوکرین میں صدارتی انتخابات کا سلسلہ جاری ہے، جس میں معروف کامیڈین ولودیمیر زیلنسکی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے