پاناما جے آئی ٹی سربراہ واجد ضیا بطور گواہ نیب میں پیش

اسلام آباد: پاناما کیس کی مشترکہ تحقیقاتی کمیٹی (جے آئی ٹی) کے سربراہ واجد ضیا بطور گواہ نیب افسران کے سامنے پیش ہوگئے۔ ذرائع کے مطابق پاناما جے آئی ٹی کے سربراہ واجد ضیا بطور گواہ نیب راولپنڈی میں پیش ہوگئے جہاں انہوں نے  شریف فیملی اور وزیر خزانہ اسحاق ڈار کے خلاف ریفرنس دائر کرنے کے سلسلے میں نیب حکام کے سوالات کے تفصیلی جواب دیے۔

واجد ضیا رینجرز کے سیکیورٹی سکواڈ کے ہمراہ نیب راولپنڈی کے دفتر پہنچے۔ نیب نے جے آئی ٹی کے تمام ارکان کو بطور گواہ شامل تفتیش کیا ہے۔ واجد ضیاء کل نیب لاہور میں بھی پیش ہوکر بیان قلمبند کرائیں گے۔

واضح رہے کہ نیب کی جانب سے پاناما کیس میں شریف فیملی اور اسحاق ڈار کے خلاف ریفرنسز 10 ستمبر تک احتساب عدالت میں دائر کردیے جائیں گے۔ اسلام آباد میں نیب ہیڈ کوارٹرز نے نیب لاہور اور راولپنڈی کو پاناما کیس کی تحقیقاتی رپورٹ عیدالاضحیٰ کی چھٹیوں سے قبل پیش کرنے کی ڈیڈلائن دی ہے۔ نیب لاہور اورراولپنڈی شریف فیملی اور دیگر کیخلاف مشترکہ انوسٹی گیشن کررہے ہیں۔

یہ بھی پڑھیں

برطانوی شہزادہ ولیم اور ان کی اہلیہ آج پاکستان پہنچ رہے ہیں

برطانوی شہزادہ ولیم اور ان کی اہلیہ آج پاکستان پہنچ رہے ہیں

اسلام آباد: برطانوی شاہی جوڑے کے دورے سے متعلق شاہی محل نے رواں برس جون …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے