آفریدی اور یونس خان کی پی سی بی کی الوداعی تقریب میں شرکت سے معذرت

لاہور: قومی کرکٹ ٹیم کے سابق کپتان یونس خان اور شاہد آفریدی نے پی سی بی کی جانب سے اپنے اعزاز میں دی جانے والی الوداعی تقریب میں شرکت سے معذرت کرلی۔ ذرائع کے مطابق شاہد آفریدی کو چیئرمین پی سی بی نجم سیٹھی نے فون کرکے تقریب میں شرکت کی دعوت دی جس پر انہوں نے شرکت سے معذرت کرتے ہوئے کہا کہ وہ نجی لیگز میں اپنی مصروفیات کی وجہ سے دستیاب نہیں ہوں گے، سابق کپتان اس سے قبل کہہ چکے ہیں کہ انہیں کسی الوداعی میچ کی ضرورت نہیں۔

یونس خان کے بارے میں بھی اطلاعات ہیں کہ وہ الوداعی تقریب کا حصہ بننا نہیں چاہتے۔ یونس خان نے پی سی بی کے اعلیٰ حکام کی جانب سے رابطے پر واضح انداز میں کہہ دیا ہے کہ وہ 14 ستمبر کو الوداعی تقریب میں شرکت نہیں کریں گے۔ واضح رہے کہ پاکستان کرکٹ بورڈ کی جانب سے 14 ستمبر کو ورلڈ الیون کے دورہ کے موقع پر یونس خان، مصباح الحق اور شاہد آفریدی کےاعزازمیں الوداعی تقریب کا اہتمام کرنے کا اعلان کیا گیا تھا لیکن دو سابق کپتانوں کی جانب سے انکار کے بعد الوداعی تقریب کا معاملہ کھٹائی کا شکار ہوتا نظر آ رہا ہے۔

یہ بھی پڑھیں

’’نہیں چاہیے 4 رنز واپس لے لیں‘‘

’’نہیں چاہیے 4 رنز واپس لے لیں‘‘

لندن:  انگلش فاسٹ بولر جیمز اینڈرسن نے کہا ہے کہ ورلڈ کپ فائنل میں بین …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے