عید قربان پہ پنجاب پولیس کے اہلکار اپنی چھٹیاں قربان کریں گے

لاہور: دہشت گردی اور کسی بھی ممکنہ ہنگامی حالات کے پیش نظر پر عید کے موقع پر پولیس ملازمین کی چھٹیاں منسوخ کر دی گئیں ہیں۔ میڈیا رپورٹس کے مطابق انسپکٹر جنرل پولیس پنجاب کیپٹن ریٹائرڈ عارف نواز خان نے کہاہے کہ عید الاضحی پر سکیورٹی انتظامات بالخصوص نماز عید کی سکیورٹی کیلئے تمام دستیاب وسائل کو بروئے کار لایاجائے اور اس بات کا بطور خاص خیال رکھا جائے کہ صوبے میں نماز عید کے تمام بڑے اجتماعات کے مقامات پر پارکنگ کا خصوصی انتظام کیا جائے۔ جہاں مستعد پولیس اہلکاراور رضاکار ڈیوٹی پر مامور کئے جائیں۔ انہوں نے عید کے موقع پر ممکنہ ہنگامی حالات کے پیش نظر پولیس ملازمین کی چھٹیاں منسوخ کر دی گئیں ہیں اور 24 گھنٹے الرٹ رہنے کا حکم دیا گیا ہے۔ اس سلسلہ میں آئی جی پنجاب کی طرف سے تمام ضلعی افسران کو حکم نامہ بھجوا دیا گیا ہے۔ جاری مراسلہ میں مزید کہا گیا ہے کہ اسلحہ کی نمائش اور ہوائی فائرنگ پر زیرو ٹالرینس ہونی چاہئے اور خلاف ورزی کے مرتکب افراد کے خلاف فوری قانونی کارروائی کی جائے۔

یہ بھی پڑھیں

اپوزیشن اپنا تعمیری کردار ادا نہیں کر رہی

اپوزیشن اپنا تعمیری کردار ادا نہیں کر رہی

لاہور: راجہ بشارت نے کہا کہ پروڈکشن آرڈر جاری کرنا اسپیکر کا اختیار ہے جن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے