اسلام آباد، سستا بازار آگ کی لپیٹ میں، 500 سٹال جل کے خاکستر

اسلام آباد:  وفاقی دارالحکومت کے سیکٹر ایچ نائن میں واقع سستے بازار میں لگی آگ سے 500 سے زائد اسٹالز جل کر خاکستر ہوگئے ہیں۔ اسلام آباد کے سیکٹر ایچ نائن میں کچرے کے ڈھیر کو ٹھکانے لگانے کے لیے آگ لگائی گئی تھی جس نے تیز ہوا کے باعث وہاں لگے پرانے کپڑوں کے اسٹالز کو اپنی لپیٹ میں لے لیا۔ آگ کی شدت اتنی زیادہ تھی کہ 500 سے زائد اسٹالز جل کر خاکستر ہوگئے، واقعے کی اطلاع ملنے پر امدادی ٹیمیں اور ریسکیو عملہ موقع پر پہنچ گیاجب کہ شہر بھر سے فائر بریگیڈ کی 12 گاڑیوں کے علاوہ سرکاری اور نجی کمپنیوں کے واٹر ٹینکر بھی منگوائے گئے، امدادی ٹیموں کی کوششوں کے بعد آگ پر قابو پا لیا گیا۔ اس موقع پر وہاں موجود ایس ایس پی آپریشنز ساجد کیانی نے میڈیا کو بتایا کہ شکر ہے واقعے میں کوئی جانی نقصان نہیں ہوا، آگ کیسے لگی اس کی انکوائری بعد میں ہوگی، تاہم ابتدائی طور پر پتہ چلا ہے کہ آگ ایک اسٹال میں یو پی ایس کی بیٹری پھٹنے کے باعث لگی۔ دوسری جانب سستا بازار کے تاجروں کا کا کہنا ہے کہ فائر بریگیڈ کا عملہ اطلاع ملنے کے باوجود تاخیر سے پہنچا جس کی وجہ سے آگ نے شدت اختیار کی۔ اسلام آباد کے میئر شیخ انصر سستا بازار پہنچے تو شہریوں اور تاجروں نے ان سے امدادی ٹیموں اور فائربریگیڈ کے جائے وقوعہ پر تاخیر سے پہنچنے کی شکایت کی جس پر میئراسلام آباد نے انہیں تاخیر کے ذمہ داروں کے خلاف کارروائی کی یقین دہانی کروائی۔ سستا بازار میں لگنے والی آگ کی وجوہات جاننے کے لئے تحقیقاتی کمیٹی تشکیل دے دی گئی ہے، ایس پی آئی نائن لیاقت نیازی معاملے کی تحقیقات کریں گے۔

یہ بھی پڑھیں

کابینہ, اقتصادی, صورتحال ,کے جائزے سمیت, اہم امور, پر غور, کرے گی

کابینہ اقتصادی صورتحال کے جائزے سمیت اہم امور پر غور کرے گی

اسلام آباد: وزیر اعظم عمران خان نے نو تشکیل شدہ وفاقی کابینہ کا اجلاس منگل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے