وفاقی کابینہ میں توسیع ؛ مزید 4 وزرا نے حلف اٹھالیا

اسلام آباد: وفاقی کابینہ کے 4 ارکان نے اپنے عہدوں کا حلف اٹھالیا جن میں 2 وفاقی وزیر اور 2 وزرائے مملکت شامل ہیں۔ تفصیلات کے مطابق نئی وفاقی کابینہ کے 4 ارکان نے اپنے عہدوں کا حلف اٹھالیا، حلف برداری کی تقریب ایوان صدر میں ہوئی جہاں صدر مملکت ممنون حسین نے حلف لیا۔ حلف اٹھانے والوں میں 2 وفاقی وزیر اور 2 وزرائے مملکت شامل ہیں دانیال عزیز اور ممتاز تارڑ نے وفاقی وزیر جب کہ دوستین ڈومکی اور ایاز شاہ شیرازی نے وزرائے مملکت کا حلف اٹھایا۔ وزرا کی حلف برداری کے بعد کابینہ کی تعداد 47 ہوگئی ہے۔
واضح رہے کہ گزشتہ ہفتے نئی وفاقی کابینہ نے حلف اٹھایا تھا تاہم وفاقی وزیرممتاز تارڑ تاخیر سے تقریب میں پہنچنے، ایاز شیرازی اور دوستین خان ڈومکی شہر سے باہر ہونے کی وجہ سے حلف نہیں اٹھا سکے تھے جب کہ دانیال عزیز نے وفاقی وزیر نہ بننے پر وزیر مملکت کا حلف اٹھانے سے انکار کردیا تھا۔

یہ بھی پڑھیں

شاہد خاقان عباسی ایل این جی کیس میں نیب کے سامنے پیش

شاہد خاقان عباسی ایل این جی کیس میں نیب کے سامنے پیش

راولپنڈی: مسلم لیگ ن کے دور حکومت میں اس وقت کے وزیرپٹرولیم شاہد خاقان عباسی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے