سیاحوں کےلیے وادی نیلم کے گیسٹ ہاؤسزمیں مفت قیام کی پیشکش

مظفر آباد: وادی نیلم کے ضلعی ہیڈکوارٹر اٹھمقام میں انتظامیہ اور مقامی گیسٹ ہاؤس مالکان نے ایک مشاورتی اجلاس کے بعد پاکستان کے 70 ویں یومِ آزادی کو منفرد انداز میں منانے کا اعلان کیا ہے جس کے مطابق یکم سے 7 اگست تک وادی نیلم کے تمام گیسٹ ہاؤسز اپنے ہر 7 کمروں میں سے 1 کمرہ سیاحوں کو رہائش کےلیے مفت دیں گے جہاں وہ ایک دن قیام کرسکیں گے۔

وہ گیسٹ ہاؤسز جن میں کمروں کی تعداد 7 سے کم ہے، وہ اس پروگرام کا حصہ نہیں ہوں گے یعنی اس پروگرام کا اطلاق کم از کم 7 کمروں والے گیسٹ ہاؤسز ہی پر کیا جائے گا جس کی تفصیل کچھ یوں ہے:

7 سے 13 کمروں والے گیسٹ ہاؤس میں: 1 کمرہ مفت
14 سے 20 کمروں والے گیسٹ ہاؤس میں: 2 کمرے مفت
21 سے 27 کمروں والے گیسٹ ہاؤس میں: 3 کمرے مفت

نیلم وادی کی انتظامیہ نے اپنے اعلان میں واضح کیا ہے کہ مذکورہ تاریخوں میں انتظامیہ کے نمائندے خصوصی طور پر مظفر آباد سے قبل کوہالا کے مقام پر موجود رہیں گے جہاں سے وادی نیلم کی طرف جانے والے سیاحوں کو مفت کمروں کےلیے واؤچر دیئے جائیں گے جنہیں وادی نیلم کے کسی بھی گیسٹ ہاؤس میں دے کر ایک دن وہاں مفت قیام کی اس پیشکش سے فائدہ اٹھایا جاسکے گا۔

واضح رہے کہ وادی نیلم کا شمار آزاد کشمیر کی خوبصورت ترین وادیوں میں ہوتا ہے اور وادی نیلم کے علاقے شاردا، اٹھ مقام، کیل اور ارنگ کیل خاص طور پر سیاحوں کی توجہ کا مرکز بنائے ہوئے ہیں۔

یہ بھی پڑھیں

صدر آزاد کشمیر کا بھارت کے خلاف سلامتی کونسل میں جانے کا اعلان

صدر آزاد کشمیر کا بھارت کے خلاف سلامتی کونسل میں جانے کا اعلان

مظفرآباد: صدر آزاد کشمیر سردار مسعود خان نے مقبوضہ کشمیر میں بھارتی اقدامات کے خلاف …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے