امجد صابری قتل کیس، سندھ حکومت کا مقدمہ فوجی عدالت بھیجنے کا فیصلہ

کراچی: سندھ حکومت نے امجد صابری قتل کیس کا مقدمہ فوجی عدالت میں بھیجنے کا فیصلہ کرلیا ہے۔ نجی ٹی وی کے مطابق کراچی کی انسداد دہشت گردی عدالت میں امجد صابری قتل کیس کی سماعت ہوئی۔ دوران سماعت پولیس نے عدالت کو بتایا کہ سندھ حکومت نے مقدمہ فوجی عدالت میں بھیجنے کا فیصلہ کرلیا ہے جس کیلئے معاملہ اپیکس کمیٹی کو ارسال کردیا گیا ہے، جس کی منظوری کے بعد مقدمہ فوجی عدالت کو بھیج دیا جائے گا، جس کے بعد عدالت نے مقدمے کی مزید سماعت 24 اگست تک ملتوی کردی۔ واضح رہے کہ گزشتہ سال جون میں امجد صابری اپنے گھر سے نجی ٹی وی کی افطار ٹرانسمیشن میں شرکت کیلئے جا رہے تھے کہ اسی دوران نامعلوم افراد نے انہیں گولیاں مار کر قتل کردیا، امجد صابری قتل کیس میں اسحاق بوبی اور عاصم کیپری نامی ملزمان گرفتار ہیں جن پر انسداد دہشت گردی عدالت میں مقدمہ چلایا جا رہا ہے۔

یہ بھی پڑھیں

قومی و صوبائی اسمبلی سمیت متعدد اہم شخصیات سے سیکیورٹی واپس

قومی و صوبائی اسمبلی سمیت متعدد اہم شخصیات سے سیکیورٹی واپس

کراچی: حکومتی، سیاسی اور دیگر شخصیات کی سیکیورٹی پر پولیس ہیڈ کوارٹر سے اہلکار تعینات …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے