خیبر ایجنسی میں ایف سی کی چیک پوسٹ پرحملہ ناکام، 2 خودکش حملہ آور ہلاک

خیبر ایجنسی: ذخہ خیل میں ایف سی  نے چیک پوسٹ پر دہشتگردوں کا حملہ ناکام بناتے ہوئے 2 حملہ آور ہلاک کردیے۔ پاک فوج کے شعبہ تعلقات عام (آئی ایس پی آر) کے مطابق خیبر ایجنسی کے علاقے ذخہ خیل کی سرحدی چوکی پر خودکش حملہ آوروں نے سیکیورٹی اہلکاروں پر فائرنگ کی جس کے نتیجے میں 2 سیکیورٹی اہلکار زخمی ہوگئے جب کہ ایف سی کی جانب سے جوابی کارروائی میں دو خودکش حملہ آور ہلاک ہوگئے۔

آئی ایس پی آر کے مطابق حملہ آور سرحد پار سے آئے اور انہوں نے جیروبی سے دو کلومیٹر شمال مغرب میں چوکی پر فائرنگ کی۔ واقعے کے بعد علاقے میں کشیدگی برقرارہے جب کہ سیکیورٹی فورسزکی جانب سے پورے علاقے کو گھیرے میں لے کر سرچ آپریشن شروع کردیا۔

یہ بھی پڑھیں

افغانستان سے تعلق رکھنے والے 7 ملزمان گرفتار

پشاور: پولیس نے کارروائی کرتے ہوئے 7 رکنی افغان گروہ کو گرفتار کرلیا۔ پولیس نے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے