چمن میں پولیس قافلے پر خودکش حملے میں ڈی پی او محافظ سمیت شہید، 20 زخمی

چمن: عید گاہ چوک میں پولیس قافلے پر خودکش حملے میں ضلعی پولیس افسر اپنے محافظ سمیت شہید جب کہ 20 افراد زخمی ہوگئے۔ تفصیلات کے مطابق چمن کے مصروف بازار عیدگاہ چوک میں خود کش حملے کے نتیجے میں ڈی پی او چمن ساجد مہمند محافظ سمیت جاں بحق جب کہ متعدد افراد زخمی ہوگئے، واقعہ کے بعد امدادی اہلکاروں نے زخمیوں کو قریبی اسپتالوں میں منتقل کیا جہاں انہیں طبی امداد فراہم کی جارہی ہے جب کہ شہر بھر کے اسپتالوں میں ایمرجنسی نافذ کردی گئی ہے۔

Advertisement

پولیس کے مطابق موٹرسائیکل سوار خودکش حملہ آور نے خود کو ڈی پی او ساجد مہمند کی گاڑی کے قریب دھماکے سے اڑادیا، دھماکے کے بعد ان کی گاڑی میں آگ لگ گئی اور انہیں شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگئے، دوسری جانب اسسٹنٹ کمشنر کاشف نے خودکش حملے کی تصدیق کردی ہے جب کہ پولیس اور ایف سی نے جائے وقوعہ کو گھیرے میں لے کر تحقیقات اور سرچ آپریشن شروع کردیا ہے۔

یہ بھی پڑھیں

ماضی کی وفاقی اور صوبائی حکومت میں موجود چند عناصر نے مس ہینڈل کیا

ماضی کی وفاقی اور صوبائی حکومت میں موجود چند عناصر نے مس ہینڈل کیا

کوئٹہ: سردار یار محمد نے وزیراعظم سے مطالبہ کیا ہے کہ تحقیقات کرنے والے کمیشن …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے