پرویز مشرف عمران خان کے ساتھ مل کر تیسری سیاسی طاقت بننا چاہتے ہیں، منظور وسان

کراچی: پیپلز پارٹی کے رہنما اور سندھ کے صوبائی وزیر منظور وسان کا کہنا ہے کہ پرویز مشرف کی خواہش ہے کہ عمران خان کے ساتھ مل کر تیسری سیاسی طاقت بنائی جائے لیکن دونوں قیادت کے لئے جھگڑ رہے ہیں۔ کراچی میں میڈیا سے بات کرتے ہوئے منظور وسان نے کہا کہ مسلم لیگ (ق) کے مستقبل کا فیصلہ پاناما کیس سے جڑا ہوا ہے، نواز مخالف فیصلے پر (ن) لیگ کے اکثر رہنما پیپلز پارٹی، مسلم لیگ (ق) اور تحریک انصاف میں شامل ہوجائیں گے، (ق) لیگ کی قیادت چوہدری برادران نہیں پرویز مشرف کریں گے لیکن وہ ڈر کے مارے وطن نہیں آئیں گے۔ پرویز مشرف دبئی اور لندن میں اپنے لوگوں کو لیکچر ہی دے سکتے ہیں، وہ ٹی وی پر ٹاک شو ہی کریں کیونکہ ان کا پاکستانی سیاست میں مستقبل نہیں۔ منظور وسان نے مزید کہا کہ پرویز مشرف کی خواہش ہے کہ عمران خان کے ساتھ مل کر تیسری سیاسی طاقت بنائی جائے لیکن دونوں قیادت کے لئے جھگڑ رہے ہیں، ایم کیو ایم بھی پرویز مشرف کے ساتھ مل کر انتخابات میں حصہ لے گی۔

یہ بھی پڑھیں

30 ستمبر کو سندھ کے 5 تعلیمی بورڈز میں چیئرمینز کے عہدے کی مدت پوری ہو رہی ہے

30 ستمبر کو سندھ کے 5 تعلیمی بورڈز میں چیئرمینز کے عہدے کی مدت پوری ہو رہی ہے

کراچی: چیف سیکریٹری سندھ ممتاز علی شاہ نے ایکسپریس سے بات کرتے ہوئے بتایا کہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے